المشكلة: هوا السياحة عندنا ليه مش زي سياحة بره
08/03/2012 - احمد صادق   سياحة

يعني مثلا تلاقي بالخارج فيه 20 نوع من انواع الجولات , جولات بالاتوبيسات وجولات بعربيات صغيرة وجولات بالعجل وجولات بالاحصنة والجولات بتروح كل الاماكن في المدينة 2- بتلاقي مراكز استعلامات في كل مكان في المدينة وخريطة لكل مكان في البلد من متاحف لقصور وحتي غابات وشواطي واخر الاحداث الثقافية والاجتماعية والمهرجانات والحفلات والمؤتمرات وانواع المواصلات وكتيبات بتشرح تاريخ واهمية كل متر في البلد واماكن الاسواق وكل دي مجانا وبود شديد لكن هنا المواطنين نفسهم ما يعرفوش اسماء الشوارع 3- تنمية السياحة غير التقليدية زي تسلق الجبال وسباقات السيارات وسياحة المنطاد والطائرات وسياحة فوق اسطح المباني وسياحة استكشاف الصحراء 4- مفيش موقع انترنت موحد تلاقيه عليه معلومات كاملة عن كل الانشطة السياحية في مصر وايه الحاجات اللي ممكن تعملها واسعارها وممكن تحجزها عن طريقه ودي بتلاقيه في دول زي اسبانيا والسويد
2 مشكلة مهمة جدا
1 موجودة فى مصر كثيرا
0 ليست مشكلة
0 ليس لها اولوية فى الوقت الحالى

عدد الحلول لهذه المشكلة : 3

النقطة الخضراء بجانب الحلول تعني أنه تم مراجعة هذا الحل من قبل مدير الموقع
النقطة الحمراء دليل أن أحد الزوار وضعها ولم يتم مراجعتها والموافقة عليها بعد
 اختر للطباعة
الحل رقم: 1

محمد مسعد
08/03/2012
السياحة مش هتتحل غير لما يتغير فكرنا عن السائح انة زكيبة فلوس و لازم يتقلب من ساعة ما يوصل لحد لما يسافر .. الحل اننا نعامل الناس زى ما نحب اننا نتعامل عندهم . مفيش حاجة اسمها تذكرة متحف للمصريين بجنية و تذكرة لغير المصريين بعشرين جنية . مفيش حاجة انك تركب تاكسى بعشرة جنية و الخواجة يركبة بمية و لا متين جنية . فكر الخدمة عندنا لازم يتغير . لازم الناس تتعلم ازاى تبيع الخدمة مش تبيع السايح
2 رائع وواقعى
0 مكلف
0 غير واقعى
0 سيأخد وقت
الحل رقم: 2

taghreed
08/03/2012
مشكله السياحه عندنا من وجهه نظري تتلخص في انه لا يوجد ثقافه سياحيه عندنا فالحكومه والعاملين بالسياحه ينظرون الي السائح علي انه احتياج وهو المنقذ وعندما ياتي لا نهتم بالخدمه او السبل التي تجعله يعود مره اخري لفت نظري من المسلسلات التركيه كميه المواقع الرائعه الجميله في تركيا والتي يحرصون بشده علي اظهارها في مسلسلاتهم التي يصدرونها للخارج والتي تعد من وجهه نظري اكبر دعايه سياحيه لبلدهم اما نحن فلا نستغل فكره ان كل العالم العربي يشاهد اعمالنا ولا نعتبرها منجا لتصدير السياحه ونشرها فتري الفقر والمناطق العشوائيه والالفاظ هي ما يوجد في اعمالنا الفنيه ثانيا عدم وجود موقع حقيقي علي الانترنت يقدم معلومات تفصيليه واضحه شامله بجميع انواع السياحات في مصر وخريطه لاشهر المعالم مترجمه لكل لغات العالم كذلك فان الدعايه لمصر في الخارج لا تصل الي المستوي المطلوب ثم ياتي دور الافراد العاملين بقطاع السياحه الذين ليسوا جميعا طبعا وبمنهتي الغرابه خريجين لمدارس وكليات سياحيه بل ان مصر كلها ربما تحتوي علي كليتين اوثلاثه فقط لتعليم السياحه والفندقه وهذا امر غريب كذلك الانشطه نفسها فانت قلما تجد فنونا مصريه اصليه او صناعه يدويه مصري ماهره في المعارض او في الخارج باستثناء خان الخليلي وبعض البزارات وكان اقصي امل من السياح الوافدين هي ان يحجزوا غرفه في فندق ويتناولوا وجبه وهبات الله علينا من طبيعه واعمال الفراعنه تقوم بالباقي ان النظره الي السياحه ككل والي كيفيه الدعايه لها واستغلالها احسن استغلال يجب اعاده النظر فيه
2 رائع وواقعى
0 مكلف
0 غير واقعى
0 سيأخد وقت
الحل رقم: 3

مهندس / حاتم السيد
09/03/2012
أقترح إنشاء مدينه أثريه متكامله بمواصفات عالميه يتم تجميع أثار مصريه من كافة الحقبات الزمنيه ومن كافة المتاحف الموجوده ويكون جزء منها على الطراز الفرعونى وأخر على الطراز الإسلامى العربى وأخر على الطراز الرومانى القبطى وهكذا. ويتم توفير بداخلها كافة الخدمات مثل مول ضخم ومطاعم وفندق ولامانع من ان تضم ايضا مطار ولابأس بان تكون هذه المنشات الخدميه جامعه لكل هذه الحضارات بشكل عصرى وأن يتم تأمينها على اعلى مستوى باحدث الاجهزه الأمنيه.
2 رائع وواقعى
1 مكلف
2 غير واقعى
2 سيأخد وقت
 

ساعدنا فى حل هذه المشكلة عن طريق نشرك لها




قوانين الموقع :
  • لغة الموقع الرسمية هي اللغة العربية والمصرية العامية وستحذف الحلول بلغة الأنجلوعرب .
  • يمنع وضع تعليقات على المشاكل المعروضة  ( فقط وضع حلول أو مقترحات إيجابية ) 
    مثلا “ فعلا المشكلة دي عندنا كل يوم في كذا .. فهدفنا تقليل التعليقات “  حتى نسهل على الغير قراءة اكبر قدر من الحلول قبل وضع حل جديد.
  • لتضع حل لمشكلة - برجاء قراءة التعليقات - الحلول - كلها أولا قبل إضافة حل جديد - كثرة الحلول بتكرارات غير مفيدة بالمرة, فحاول تكون إيجابي وإتعب شوية عشان مصر.

اضف حل غير مدرج
  •  
  •