المشكلة: تأهيل الفنيين و الحرفيين و العمالة المؤهلة
08/03/2012 - معتز بالله محمد السيد   قوى عاملة

المشكلة ببساطة تتلخص فى كفاءة و مهارة العمالة الفنية و الحرفيين للقيام بالأعمال المطلوبة بشكل صحيح. بحكم عملى كمهندس معمارى اقوم بتنفيذ اعمال الانشاءات المعمارية بيقابلنى عمال و صنايعية و حرفيين لا حصر لهم و كلهم بلا استثناء شغالين بالخبرة و ما تعلموه فى الحياة العملية فقط لا غير بدون تأهيل فنى أكاديمى ودى حاجة فى غاية الخطورة من وجهة نظرى لانى باضطر انى اشغلهم بنظام " donkey work " طبعا ده مع احترامى الشديد لادميتهم و تقديرى لعملهم لكن للاسف غالبا مبديش فرصه للفنى انه يفكر لانه فى اوقات كتيرة لو فكر بيبوظ الدنيا . و طبعا المشكلة مش خاصة بمجال الهندسة و الانشاءات بس لكن اى عمل حرفى فى اى مجال. المشكلة الاهم فى الموضوع ان الفنى فى اوقات كتير بيعمل شغله بطريقة هو حافظها و مش عارف هو بيعمل كدة ليه و ايه السبب الفنى اوالتقنى اللى بيخليه يشتغل الحاجة دى بالطريقة دى و لو قابله فى اى وقت من الاوقات حد بيحاول يعمل الحاجة دى بشكل تانى رده الاول والسريع بيكون " مينفعش أو معرفش " قصدى ببساطة و بدون إطالة أنا بحلم ان يكون عندنا تعليم فنى على مستوى عالي و إن مفيش فنى أو حرفى يشتغل إلا لما يكون مؤهل و دارس شغله و فاهم هو بيعمل ايه و يكون معاه كارنيه أو إجازة أو تصريح أو ترخيص بمزاولة المهنة دى سواء كان بقى نقاش أو مبيض محارة أو ميكانيكى أو سباك أو حداد أو يعمل بأى حرفة.
0 مشكلة مهمة جدا
0 موجودة فى مصر كثيرا
1 ليست مشكلة
0 ليس لها اولوية فى الوقت الحالى

عدد الحلول لهذه المشكلة : 0

النقطة الخضراء بجانب الحلول تعني أنه تم مراجعة هذا الحل من قبل مدير الموقع
النقطة الحمراء دليل أن أحد الزوار وضعها ولم يتم مراجعتها والموافقة عليها بعد

ساعدنا فى حل هذه المشكلة عن طريق نشرك لها




قوانين الموقع :
  • لغة الموقع الرسمية هي اللغة العربية والمصرية العامية وستحذف الحلول بلغة الأنجلوعرب .
  • يمنع وضع تعليقات على المشاكل المعروضة  ( فقط وضع حلول أو مقترحات إيجابية ) 
    مثلا “ فعلا المشكلة دي عندنا كل يوم في كذا .. فهدفنا تقليل التعليقات “  حتى نسهل على الغير قراءة اكبر قدر من الحلول قبل وضع حل جديد.
  • لتضع حل لمشكلة - برجاء قراءة التعليقات - الحلول - كلها أولا قبل إضافة حل جديد - كثرة الحلول بتكرارات غير مفيدة بالمرة, فحاول تكون إيجابي وإتعب شوية عشان مصر.

اضف حل غير مدرج
  •  
  •