المشكلة: التراخى فى أداء العمل وعدم وجود قانون رادع للعقوبة
08/03/2012 - ياسمين سيف   سلوكيات عامة

تحدث مشاكل عدة وأضرار جسيمة وأعطال بسبب تراخى الموظفين فى أداء أعمالهم مما يضر بمصلحة المواطن أو الطالب وهذا بسبب عدم وجود قانون مطبق يردع المخطىء عند خطاؤه
2 مشكلة مهمة جدا
4 موجودة فى مصر كثيرا
2 ليست مشكلة
2 ليس لها اولوية فى الوقت الحالى

عدد الحلول لهذه المشكلة : 5

النقطة الخضراء بجانب الحلول تعني أنه تم مراجعة هذا الحل من قبل مدير الموقع
النقطة الحمراء دليل أن أحد الزوار وضعها ولم يتم مراجعتها والموافقة عليها بعد
 اختر للطباعة
الحل رقم: 1

ذكى احمد مكاوى
09/03/2012
حضرتك انا مشكله البلد اللى شغلانى من زمان وشايفاه ماثره على كل حاجه ومنها طبعا الوقت اللى ملوش لازمه عندنا هيه ثقافتنا اللى بنبين اوحش مفينا فى كل حاجه مش عارف ده من الانظمه اللى حكمتنا ولا احنا كده بس الجميل اننا مره واحده بنشيل جبل الوساخه اللى مخبينا ساعه مننضغط يعنى اللجان الشعبيه ظهرت فى كل مصر اما الشرطه اختفت اما البلد كلها خافت السنه دى من يوم 25 الناس ملت البلد من غير متتحرق مصر اما حصلت مذبحه بورسعيد الزمالكاويه بقوا اهلاويه.نهضه مصر هتحصل والموظف هياخد باله من شغله اما ينضغط ولما مش لازم نقوله مصر هتتحرق او ندبح مشجعين فى ماتش اما نعيشه فى حلم مشروع قومى يحس انه فعلا بيعمل حاجه ساعتها هيبقى ضغط ايجابى لينا كلنا شوف فى الكوره خدنا بطوله الامم 3 مرات وكل مره نفس المنتخب نفس المدرب يوصل البطوله اللى بياخدها بعد كده فى اخر ماتش يعنى بكل صعوبه مع فرق منعرفش اساميها لازم نغير فكرنا بان حد يحطلنا مشروع له اهداف ويكون حازم حاسم فورى يارب اسف لو قلت كلام ممكن يكون غلط بس انت اللى قلت مننكسفش استحمل بقى
2 رائع وواقعى
3 مكلف
3 غير واقعى
3 سيأخد وقت
الحل رقم: 2

Eman Rashad
09/03/2012
المشكلة ديه اساسها اننا مش بنحط الموظف فى نظام ثابت يومى فيه ثواب و عقاب و رقابه و تطوير و تحفيز -- فاذا توافرت هذه الشروط داخل اى منظومة عمل هتتطور بشكل تلقائى و هذا الفرق يتضح بين العمل الخاص و الحكومى لان الشروط السابقة موجوده فى العمل الخاص اما الحكومى فالموضوع متروك لضمير الموظف و ده طبعا شىء غلط تماما.. -- الحل ان اولا يوضع الموظف فى سيستم عمل - مواعيد حضور ثابته و انصراف ثابتة - تحديد المهام الموكله له بتايم (( وقت )) و اذا انجز كم الاعمال الموكله اليه و زاد عنه يتم اضافة الزياده بنقاط يتم تجميعها له اخر كل شهر و يتك استبدال النقاط بفلوس كبونص او مكافئة - و بالتالى سيكون الموظف شغله الشاغل هو انجاز اكبر قد ممكن بكفائة لتجميع نقاط هتجيبله فلوس + لاااااازم يكون فيه رقابة عليهم و الرقابه ديه تكون برئيس بيمر او كاميرات او مكتب لتلقى الشكاوى فى الموظف المقصر - و اذا ثبت ان الموظف ده مستهتر او تلقى رشوة او اضاع وقت المواطن يتم عقابه و نشر اسم الموظف المعاقب و سبب جزاءه على كل الادارات الاخرى ليكون عبره و يلتزم الاخرون على ان لا يكونوا مثله ---- اخيرا ارى ان الموظف الغلبان ده لازم يكون عنده حافز تانى غير انه يشتغل و ميضيعش وقته --- زى اننا نديله كورسات تنميه بشريه و دورات تدريبية ترفع من كفائته و يكون فيه سلم وظيفى مشجع ليهم - يبقى فيه منافسه داخليه بين الادارات و بعضها ووصرف مكافئات لافضل منظومة اداريه و افضل موظف - الاشياء المعنويه يمكنها ان ترفع من كفائة الاداء و تحميس الموظف لانه يعطى افضل ما عنده ---- نفسى ان الوقت والعلم يبقى ليه قيمة فى بلدنا .. و شكرا
2 رائع وواقعى
3 مكلف
2 غير واقعى
2 سيأخد وقت
الحل رقم: 3

fouad nabil
11/03/2012
حل /مثلا في مجال المناقصات يتم التلاعب عن طريق وضع شروط تعجيزية يتم تطبيقها علي من لايدفع للمسئول بالرغم من علم الجميع ان الأسعارتبين استحالة تطبيق المواصفات الحل وضع قوانين لاتحمي المغامرين من المقاولين وتوزيع إلاعمال حسب واقعية الأسعار
2 رائع وواقعى
2 مكلف
2 غير واقعى
2 سيأخد وقت
الحل رقم: 4

fouad nabil
11/03/2012
التعامل مع المنشآت غلي انها حكراللموظف ولذلك تجدتلك الثقافة متجدرة عند معظم موظفي الدولة بالاضافة إلي ثقافة التوريث في هذه الجهات لذااقترح الاتي:١اختيارالكفاءة قبل الأقدمية والأمانة قبل الكفاءة ٢:تعديل قوانين العمل بما يعطي المديرالفوة بما يدفع انتاجية العامل بالعقوبة أوالمكافأة.  ٣:التوعية الدينية للعاملين من خلال دورات أو معسكرات توعية علي أساس ان فئات واسعة من مستويات مختلفة قد أصابها العظب
2 رائع وواقعى
2 مكلف
2 غير واقعى
2 سيأخد وقت
الحل رقم: 5

fouad nabil
11/03/2012
يتواكب مع الحلول السابقة أسلوب استحدث علي مجتمعنا عن طريق الجماعات والجمعيات الممولة وهو لي ذراع الدولة عن طريق شل المصالح والمنشات الحيوية بحجة انها مطالب فئوية ولكنها مخططات خارجية بتنفيذ أشخاص ممولين بغظاء ثوري استخدم كفزاعة وما زال يستخدم وعليه يجب الاتي:
١-تقنين وتنفيذ احكام القضاء ضدمن يحاول أخذ حق بالبلطجة. 
٢:القبض على مرتزقة المجتمع المدني الذين يستخدمون مشاكل الشعب للمساعدة علي عدم استقرار مصرمقابل مكسب مادي حقير يوضع في جيوبهم بدلا من ان كان يوجه لتنمية العشوائيات 
٣:متابعة الأشخاص وبعضهم شخصيات عامة يستهدفون التشويه للصوره الجميلة لمصر بعد الثورة
1 رائع وواقعى
2 مكلف
2 غير واقعى
2 سيأخد وقت
 

ساعدنا فى حل هذه المشكلة عن طريق نشرك لها




قوانين الموقع :
  • لغة الموقع الرسمية هي اللغة العربية والمصرية العامية وستحذف الحلول بلغة الأنجلوعرب .
  • يمنع وضع تعليقات على المشاكل المعروضة  ( فقط وضع حلول أو مقترحات إيجابية ) 
    مثلا “ فعلا المشكلة دي عندنا كل يوم في كذا .. فهدفنا تقليل التعليقات “  حتى نسهل على الغير قراءة اكبر قدر من الحلول قبل وضع حل جديد.
  • لتضع حل لمشكلة - برجاء قراءة التعليقات - الحلول - كلها أولا قبل إضافة حل جديد - كثرة الحلول بتكرارات غير مفيدة بالمرة, فحاول تكون إيجابي وإتعب شوية عشان مصر.

اضف حل غير مدرج
  •  
  •